နှလုံးသားလက်ဆောင် (ပညာပေးပုံပြင်)

နှလုံးသားလက်ဆောင်



တစ်ခါတော့ မွေးရာပါ နှလုံးရောဂါရှိတဲ့ ၁၁နှစ်အရွယ်သမီးက သူ့အဖေကိုမေးတယ်
" ဖေဖေ သမီး ၁၅ နှစ် ပြည့်မွေးနေ့ရောက်ရင် သမီးကို ဘာလက်ဆောင်ပေးမှာလဲ ဟင် "

သူ့အဖေကတော့ " သမီးလေးအတွက် ကမ္ဘာပေါ်မှာ အဖိုးအတန်ဆုံးလက်ဆောင် တစ်ခုဖြစ်မှာပေါ့ သမီးရဲ့ " လို့ပြန်ဖြေလိုက်တယ်။

ဒါပေမယ့် သူဘာပေးရမှန်းမသိဘူး....
ဒီလိုနဲ့ နှစ်တွေ ကြာလာတော့ အသက် ၁၄ နှစ်လောက်မှာတော့ ကောင်မလေးဟာ အလွန်ပြင်းထန်တဲ့ နှလုံးရောဂါခံစားပြီး ဆေးရုံတက်လိုက်ရတယ်။

ဆရာ၀န်တွေက သူ့အဖေကိုပြောတယ်...
" ခင်ဗျားသမီး အခြေအနေအရမ်းဆိုးနေပြီ သိပ်မကြာခင် သူသေမှာပဲ " လို့ပေါ့

သူ့အဖေကတော့ စိတ်မပူသလိုနဲ့ " ဟုတ်ကဲ့ပါဆရာ ကျွန်တော်သူ့အတွက် အကောင်းဆုံးပြင်ဆင်ထားတာတွေရှိပါတယ် "

သိပ်မကြာဘူး..သူ့အဖေဟာ ဆေးရုံလာတဲ့လမ်းမှာ ကားအက်ဆီးဒင့်(accident)ဖြစ်သွားတယ်။😥

နောက်ရက် အနည်းငယ်ကြာတော့ ကောင်မလေးကို လာပြောတယ်။
မင်းအရမ်းကံကောင်းတာပဲ မင်းနှလုံးအတွက် အလှူ ရှင်ရှာတွေ့ပြီတဲ့။

နောက်မကြာဘူး ကောင်မလေး အခြေအနေတိုးတက်လာတော့ အိမ်ပြန်လာတယ်။
အဲဒီအချိန်မှာ သူ့အသက်ကလဲ ၁၅ နှစ်ပြည့်ပြီးပြီပေါ့။
သူဟာ သူ့အိပ်ယာမှာ လှဲအိပ်လိုက်တယ် အဲဒီအချိန်မှာ အိပ်ရာအောက်က ခုလုခုလု ဖြစ်နေလို့ အခင်းကို လှန်လိုက်တယ်။ အဲဒီမြာ သူ့အဖေချန်ထားတဲ့ စာအုပ်လေးတွေ့သွားတယ် ...

" ငါ့သမီး ဒီစာကိုဖတ်နေတဲ့အချိန်မှာ ၁၅ နှစ်ပြည့်ပြီးလောက်ပေါ့ သမီးမွေးကတည်းက နှလုံးမကောင်းတာကို အဖေအစောကြီးကတည်းက သိပြီးသား အဲဒါကြောင့် အဖေ့နှလုံးကို ကြိုတင်လှူဒါန်းထားတယ်သမီး။

သမီးဒီလို အသည်းအသန်ဖြစ်မယ်ဆိုတာလဲ အဖေခန့်မှန်းပြီးသား။
ဒါပေမဲ့ သမီး ဖြစ်တာ အဖေမှန်းထားတာထက်စောတဲ့အတွက် မတတ်နိုင်ဘူး။
သမီးအတွက် ၁၅ နှစ်ပြည့်လက်ဆောင်အဖေပေးခဲ့ပါတယ်။

အဖေ့ရဲ့ အသည်းနှလုံးလောက်ချစ်ရတဲ့ သမီးလေးအတွက် အဖေ့ရဲ့ နှလုံးက လက်ဆောင်ကောင်းဖြစ်မှာပါ "

မိဘတွေရဲ့ သားသမီးအပေါ်ချစ်တဲ့စိတ်ကို ခံစားနိုင်မည့် ၀တ္တုလေးဖြစ်မှာပါ။😢😭

Credit To မောင်စိုင်း

Comments

Post a Comment

ဝေဖန်အကြံပြုချက်များ ရေးသားခဲ့နိုင်ပါသည်

Popular posts from this blog

မိကျောင်းနဲ့မျောက် (ပုံပြင်)

Image
မိကျောင်းနဲ့မျောက် =========== မိကျောင်းထီးတစ်ကောင်ဟာ အမြဲတမ်း အစာရှာထွက်လေ့ရှိပြီး သူအစာရှာထွက်တဲ့မြစ်ကမ်းနားက ရေသဖန်းပင်ပေါ်မှာ မျောက်တစ်ကောင်နဲ့ မိတ်ဆွေဖြစ်နေကြပါသတဲ့။ မျောက်ဟာ အစာရှာပြီး မြစ်ကမ်းနားမှာ အနားယူလေ့ရှိတဲ့မိကျောင်းကို သူနေထိုင်ရာ သဖန်းပင်ပေါ်က သဖန်းသီးတွေကို မိကျောင်းအတွက်ခူးပြီးခြွေချပေးလေ့ရှိပါတယ်။ မျောက်ခြွေချပေးတဲ့သဖန်းသီးတွေကို မိကျောင်းက ကျောပေါ်တင်သွားပြီး သူ့ရဲ့မယားဖြစ်သူ မိကျောင်းမကို ကျေွးလေ့ရှိပါတယ်။ မိကျောင်းမဟာ သဖန်းသီးတွေကို စားတိုင်း ချိုလိုက်တာဆိုပြီး အမြဲချီးကျူးလေ့ရှိပါတယ်။ တစ်နေ့မှာတော့ မိကျောင်းမဟာ မိကျောင်းထီးကိုပြောပါတယ်။ ရှင်ယူလာတဲ့သဖန်းသီးတွေက ချိုလိုက်တာနော်.ဒါပေမယ့် ဒါလေးတွေကို စားရတာနဲ့တင် မတင်းတိမ်နိုင်ဘူး။ သဖန်းပင်ပေါ်က သဖန်းသီးတွေကို နေ့တိုင်းစားနေတဲ့မျောက်ရဲ့အသည်းက ပိုတောင်ချိုအုံးမှာ။ ကျုပ်ကို သဖန်းပင်ပေါ်က မျောက်အသည်းစားရအောင် ယူလာခဲ့ပေးပါလား ဆိုပြီး မျောက်သားစားဖို့ ပူဆာပါတော့တယ်။ မိကျောင်းထီးက မျောက်နဲ့မိတ်ဆွေဖြစ်နေတာမို့ မျောက်ကို မစားစေချင်ပေမယ့် မိကျောင်းမက မကြာခဏ ပူဆာလေ့ရှိတာမို့ နောက်ဆုံးမှာတော့ မငြင်းရက်ပဲ မျောက်ရဲ့အသည်းကိုယူလာပ...
Read more

မထုလိုက်မိတဲ့တူတစ်ချက် (ပုံပြင်)

Image
မထုမိလိုက်တဲ့ တူတစ်ချက်  ********************** တစ်ခါတုန်းက လူသွားလူလာများတဲ့ တောလမ်း တစ်နေရာမှာ ကျောက်တုံးကြီးတစ်တုံး ရှိသတဲ့။ အဲဒီကျောက်တုံးပေါ်မှာလည်း စာတစ်ချို့ရေးထွင်း ထားပါတယ်။ ကျောက်တုံးပေါ်မှာ ရေးထားတဲ့ စာကတော့… ဤကျောက်တုံးကြီးကို ဆယ်ပေါင်တူနှင့် အချက် တစ်ထောင်ပြည့်အောင် ထုခွဲလျင် တစ်သက်စာ ချမ်းသာသော ရတနာများ ရမည်တဲ့။ လမ်းသွားလမ်းလာတွေက အဲဒီစာကိုမြင်တော့ ပြုံးကြတာပေါ့။ အရူးတစ်ယောက် လက်ဆော့သွားတာနေမယ်လို့  ထင်ကြေးပေးတဲ့သူတွေလည်း ရှိပါတယ်။ ဟုတ်တော့လည်း ဟုတ်တယ်။ ကျောက်တုံးကြီး ထုခွဲရုံနဲ့ တစ်သက်စာ ချမ်းသာဖို့ ဆိုတာ စိတ်ကူးယဉ်ဆန်လွန်းတယ်လေ။ နောက်ပြီး ဆယ်ပေါင်တူနဲ့ အချက်တစ်ထောင် ထုဖို့ဆိုတာ တော်ရုံ ဇွဲသတ္တိနဲ့လည်း မဖြစ်ဘူး မဟုတ်လား။ ဒီလိုနဲ့ ခရီးသွားတွေဟာ… အဲဒီကျောက်တုံးကြီးကို ခဏတစ်ဖြုတ် နားစရာ အနေနဲ့ပဲ ထိုင်ကြ မှီကြပြီး  ထုခွဲဖို့ကို ဘယ်သူမှ စိတ်မဝင်စားကြဘူးတဲ့။ တစ်နေ့မှာတော့… လူတစ်ယောက်ဟာ ဆယ်ပေါင်တူနဲ့ သောက်ရေဗူးနဲ့ ရောက်လာပြီး အဲဒီကျောက်တုံးကြီးကို ထုခွဲပါတော့တယ်။ ဖြတ်သွားဖြတ်လာတွေကတော့… သူ့ကို လှောင်တဲ့ သူကလှောင်။ ပြုံးတဲ့သူကပြုံး။ ချီးမွမ်းတဲ့သူက ချီးမွမ်း။ အရူးလို့ ပြောတဲ့သူက...
Read more